Aa |   aA
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ឃាត់ខ្លួនជនបរទេសជិត១០នាក់ ពាក់ព័ន្ធករណីកាន់កាប់អាវុធខុសច្បាប់ នៅខេត្តព្រះសីហនុ | BREAKING: ផ្អើលករណីពុលសាំងវិច ពីហាងសំពៅមាស មន្ត្រីសាលាក្រុងព្រះសីហនុ ជិត៥០នាក់កំពុងព្យាបាល | សម្តេច​តេ​ជោ ហ៊ុន សែន រំលឹកពី​អាហារ​​មួយពេល​ជា​ប្រវត្តិសាស្ត្រ​ជាមួយ​មេដឹកនាំ​ខ្មែរក្រហម​ | Update៖ ធ្លាក់យន្តហោះនៅកូរ៉េខាងត្បូង ឆក់ជីវិតអ្នកដំណើរស្ទើរតែទាំងអស់នៅលើយន្តហោះ | សម្តេចនាយករដ្ឋមន្ត្រី ហ៊ុន ម៉ាណែត ប្រារព្ធទិវាសន្តិភាពនៅកម្ពុជា ជាមួយនឹងការប្រកួតបាល់ទាត់មិត្តភាព | ប្រធានាធិបតីសហរដ្ឋអាមេរិកទី៣៩ លោក ជីមមី ខាតធ័រ ទទួលមរណភាពនៅអាយុ ១០០ឆ្នាំ |

Ivan Rakitic ចាកចេញពី Sevilla ទៅចូលរួមជាមួយលីគបាល់ទាត់អារ៉ាប៊ីសាអូឌីត

  • ចុះផ្សាយថ្ងៃទី៣១ ខែមករា ឆ្នាំ២០២៤ ម៉ោង ១០:០៥ នាទី ដោយ Mesa
  • 2061
  Aa |   aA

បាល់ទាត់៖ អតីតខ្សែបម្រើក្រុមបាល់ទាត់ជម្រើសជាតិក្រូអាត កីឡាករ Ivan Rakitic បានសម្រេចចិត្តចាកចេញពីក្លិបបាល់ទាត់ Sevilla ហើយ ក្រោយពីបានចំណាយពេលជិត ៤រដូវកាលជាមួយក្លិបនេះ និងបានសម្រេចទៅចូលរួមជាមួយក្លិបបាល់ទាត់ Al Shabab នៃលីគកំពូលអារ៉ាប៊ីសាអូឌីត។ នេះបើតាមការបញ្ជាក់ឱ្យដឹងផ្ទាល់ពីក្លិប Sevilla។ 

បើតាមក្លិប Sevilla ផ្ទាល់បានបញ្ជាក់ថា កិច្ចសន្យារបស់ Rakitic នឹងអស់សុពលភាពនៅដំណាច់រដូវកាលនេះតែម្តង។ តាមរយៈសេចក្ដីថ្លែងការណ៍មួយ ក្លិបបាល់ទាត់អេស្ប៉ាញនេះបានបញ្ជាក់ថា "ពួកយើងបានឈានដល់កិច្ចព្រមព្រៀងជាមួយក្លិបនៅលីគកំពូលអារ៉ាប៊ីសាអូឌីត (Saudi Pro League) គឺក្លិប Al-Shabab ចំពោះការផ្ទេរកីឡាករ Rakitic ជាកីឡាករដែលស្ទើរតែនៅជាមួយយើង ២សម័យកាលកន្លងមក"។ 

គួររំឮកថា Ivan Rakitic ធ្លាប់បានលេងឱ្យ Sevilla អំឡុងឆ្នាំ២០១១ ដល់២០១៤ ដែលកាលណោះផ្ទេរមកពីក្លិបអាល្លឺម៉ង់ Schalke 04 មុនពេលផ្ទេរទៅកាន់ Barcelona និងលេងបាន ៦រដូវកាល ហើយត្រឡប់មកលេងឱ្យ Sevilla វិញនាខែកញ្ញា ឆ្នាំ២០២០។ កាលពីរដូវកាលមុន Rakitic បានរួមចំណែកជួយឱ្យ Sevilla ឈ្នះពាន Europa League ដែលជាពានទ្វីបអឺរ៉ុបទីពីររបស់គេជាមួយក្លិប ខណៈពានដំបូងក៏ជា Europa League ផងដែរ អំឡុងការចំណាយពេលនៅជាមួយ Sevilla ដំបូងនារដូវកាល ២០១៣-២០១៤។

Rakitic បច្ចុប្បន្នជាអនុប្រធានក្រុម Sevilla និងជាកីឡាករបរទេសដែលមានការប្រកួតផ្លូវការច្រើនបំផុតក្នុងប្រវត្តិសាស្ត្ររបស់ Sevilla និងជាកីឡាករតែមួយគត់ដែលលេងឱ្យ Sevilla បានលើស ៣០០ប្រកួត ពោលគឺគេលេងឱ្យ Sevilla បានសរុប ៣២៣ប្រកួត។ ដោយឡែក អំឡុងការចូលរួមជាមួយ Barcelona កីឡាករក្រូអាតរូបនេះបានឈ្នះពាន Champions League, UEFA Super Cup និង FIFA Club World Cup ផងដែរ ខណៈពានក្នុងស្រុក Rakitic បានជួយឱ្យ Barcelona ឈ្នះពានលីគកំពូល LaLiga ៤ដង ជើងឯក Spanish Cup ៤ដង និងឈ្នះពាន Spanish Super Cup ២ដង។ 

ជាមួយក្រុមជម្រើសជាតិក្រូអាតវ័យ កីឡាករវ័យ ៣៥រូបនេះបង្ហាញខ្លួនបាន ១០៦ប្រកួតចន្លោះឆ្នាំ២០០៧ ដល់ឆ្នាំ២០១៩ និងជួយឱ្យក្រូអាតឡើងដល់វគ្គផ្តាច់ព្រ័ត្រ FIFA World Cup ម្តងកាលពីឆ្នាំ២០១៨៕ 




ព័ត៌មានជាច្រើនទៀតសម្រាប់អ្នក